Jess Blog

　一直蠻欣賞卓韻芝，就老早從她當DJ，寫過一些編劇和廣播劇開始就覺得她蠻有才華的，欣賞她對不同的事物都有一定的認知，而不是老在吹牛，不論是音樂，旅遊，電影，潮流，她也能說得頭頭是道，有著自己的想法和見解，誇張一點來說，我一直想成為她那一種人，是做到自己想做的工作(她是當DJ的，也編過劇)，我最想就是拍電影表達出自己想說的東西，編劇是我一直很想嘗試的，因為一直蠻喜歡文字，喜歡寫東西，而她又可以寫寫東西，到處旅遊，而最重要的是我的真蠻欣賞她的那種「我係咁架啦，你唔鍾意聽唔好理」的性格。
　今天買了她的一部新書，其實之前從來沒看過她的書，一直覺得買那些DJ出的書很浪費金錢，一來文字沒甚麼功架，圖多過字，而且未必有什麼得著。這本書，都是以散文形式，一邊看一邊發笑，不要誤會，它並不是一本笑話，而是一邊看就覺得她尖酸刻薄八八婆婆但又有d見地有d見解間唔中發下up風抱怨下社會嫌生嫌四麻麻煩煩串串貢又幾有性格，係入面搵到70%既自己，當然我無佢識咁多野，又無去過咁多地方睇過咁多書。不過大家同樣係帶著三分女人的麻煩，三分男人的豪爽，加埋四分「你唔好理我我係咁架啦吹咩」既態度，又真係幾似喎。
　　我係一個幾自我中心既人，難聽講句就係任性，由細到大無人寵我，並唔係個種金菠蘿，要咩有咩，無人打個種，我唔知點解自己會咁任性，我想做呢野樣，就死都要做比你睇。我係鍾意呢個人，人地覺得佢唔好唔靚點點點，我都係覺得佢好。我鍾意讀d搵唔到錢得個理想既野，人地講話出黎乞死，我都係要讀。加上遺傳左阿媽五分暴燥既性格，好怕人煩我吹我，「得啦！」係我最想講既野，我要做既我會去做，唔好吹我叫我快d。
你話我自我中心又好，脾氣差又好，總之我就係咁 , I am who i am。